والله جرحك كبيــــر .. وشال فيني التفكيـــير

والله مـا أدري كيف أبـدأ و أتكلـم أحـس اللـي صـار فيني شي كبيـر

جرحـك خلاني أسكت مثل الأبكـم جرحـك صدمه وشلّت فيني التفكيـر



كنت منيتـي وكنت دايم فيك أحلـم وكنت جناحي و كنت دايم بك أطيـر

كنت من قلبـي أغـليك والله يعلـم ماكان لك الا كل احتـرام و تقديـر



واليوم صـرت أذكرك و أبكي و أتألـم وصار وصف جرحك أكبر من التعبيـر

كنت أعلمك الوفا وكنت مني تتعلـم وعلمتك الشـوق و أنواع الحب المثيـر



وللأسف علمتني كيف أجرح و أظلـم و علمتني ان الجـرح أنواعـه كثيـر

والله ما أدري أسـكـت و الا أتكلـم أحس اللي جـاني منـك شي كبيـر



لو جات من غيرك ماكنت راح أهتـم والمشكله ماجا من غيرك الا كل خيـر

حسيت ان حبك لـي وهم في وهـم وماعرفت هذا الشي الا فـي الأخيـر



استغنيت عنـي و زوّدت فينـي الهـم وخليتني بين قضبـان جرحـك أسيـر

مقهـور على صدقي أكثـر من الألـم مقهـور على قلبـي الطيـّب الكبيـر



و ماتوقعت أستاهل كـل هذا الألـم ولا توقعت هـذا الشـي منك يصيـر

والله ما أعرف في ايـش كنت أتكلـم بس اللي جانـي منـك والله كبيـر