قصيدة كتبتها امرأة كبيرة فالسن.....

( السلام عليكم ورحمة الله وبركاتة )

قصيدة أمراة كبيرة في السن والتي كتبتها لابنها

حمدان بعدما أودعها في دار المسنين ( العجزه).. ( الله يلعنه ).

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
يامسندي قلبي على الدوم يطريك
ماغبت عن عيني لو طيفك سمايا

هذي ثلاث أسنين والعين تبكيك
ماشفت زولك زائر ياظنايا

تذكر حياتي يوم أشيلك وأداريك
ولاعبك دايم وتمشي ورايا

ترقد على صوتي وحضني يدفيك
ماغيرك أحدن ساكن في حشايا

وليا مرضت أسهر بقربك وأداريك
ماذوق طعم النوم صبح ومسايا

ياما عطيتك من حناني وأبعطيك
تكبر وتكبر بالامل يامنايا

لكن خسارة بعتنا اليوم وشفيك
وأخلصت للزوجة وأنا لي شقايا

أنا أدري أنها قاسيه ماتخليك
قالت عجوزك ماأبيها معايا

وخليتني وسط المصحة وأنا أرجيك
هذا جزء المعروف وهذا جزايا

ياليتني خدامة بين أياديك
عشان أشوفك كل يوم برضايا

مشكور ياوليدي وتشكر مساعيك
وأدعي لك الله دايم بالهدايا

حمدان ياحمدان أمك توصيك
أخاف منك تلحق تشوف الوصايا

أوصيت دكتور المصحة بيعطيك
رسالتي وحروفها من بكايا

وأن مت لاتبخل علي بدعاويك
وأطلب لي الغفران وهذا رجايا

وأنطر تراب القبر بدموع عينيك
ماعاد ينفعك الندم والنعايا

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
لاحول ولا قوة الا بالله

لا حول و لا قوة الا بالله
و الله هاته الابيات تدمي القلب
رفقا بالآباء و الامهات